FANCY NKUHI AIBUKA KIDEDEA UVCCM SINGIDA!!

 

FANCY: Mshindi wa kura za maoni kundi la vijana UVCCM kutoka mkoa wa Singida Fancy Nkuhi (25)

KARATASI : Wagombea wenzake wakisaini karatasi ya kukubali matokeo.

DC: Msimamizi mkuu wa uchaguzi huo ambaye pia ni mkuu wa wilaya ya Singida Pascal Mabiti akimpokngeza FANCY.

MWENYEKITI : Mwenyekiti wa UVCCM mkoa wa Singida Aman Nyekele akimpongeza Fancy

HONGERA: Mmoja wa ndugu wakimpongeza Fancy.

NAKUBALI : Fancy akiwa na mpinzani wake wa karibu Jamila Hasani mara baada ya matokeo.

PAMOJA: Picha ya pamoja ya wajumbe wa mkutano huo mara baada ya uchaguzi kwisha.

Singida.

KATIBU wa asasi isiyokuwa ya kiserikali ya (UNA) United Nation Asociation iliyopo kwenye jengo la umoja wa mataifa jijini Dare s salaam Fancy Nkuhi (25) amechaguliwa kuwa mmoja wa wagombe Ubunge kundi la vijana kutoka mkoani Singida.

Fancy aliibuka kidedea kwa kupata kura 16 kati ya kura 29 zilizopigwa jana na wajumbe wa mkutano mkuu wa UVCCM mkoani hapa.

Katika uchaguzi huo mshindi alipata upinzani mkali kutoka kwa msindi wa pili Jamila Hasan aliyepata kura 10 huku Vailet Eliasi ambaye ni mfanyakazi wa ofisi ya UVCCM makao makuu akiambulia kura 3.

Mjasiriamali kutoka Kinondoni Mosi Ntandu aliambulia patupu baada ya kupata kura sifuri.

Akizungumza mara baada ya kupata ushindi huo Fancy  mwenye shahada ya sheria kutoka chuo kikuu huria,alisema matarajio yake ni kuhakikisha fursa wanazopata vijana katika nyanja mbalimbali zinafanikiwa.

Alisema atahakikisha kuwa fursa hizo zinapata msimamizi mwenye uwezo wa kuzitetea katika bunge pindi atakapochaguliwa kushika nafasi hiyo.

Hata hivyo msimamizi mkuu wa uchaguzi huo ambaye pia ni Mkuu wa Wilaya ya Singida Pascal Mabiti  aliwataka vijana hao kuunganisha nguvu ya pamoja na kuvunja makundi ili kuhakikisha mwakilishi huyo kutoka mkoani hapa anaibuka mshindi katika awamu ya pili Mkoani dodoma Agosti 3 mwaka huu.

Nashukuru kwa ushirikiano wenu wadau wote.

Regards,

ZAINUL MZIGE.