vodafone yachangia mil. 58 maafa ya gongo la mboto

Mtendaji Mkuu wa masoko ya Afrika,na Afrika mashariki ya kati wa Vodafone group Foundation Nick Read(kushoto) akimkabidhi hundi yenye thamani ya shilingi Milioni 58 Kaimu Mkuu wa mkoa wa Dares Salaam Said Meck Sadiq kwa niaba ya waathirika wa janga la mabomu ya Gongo la mboto,wa pili toka kushoto Mkurugenzi mtendaji wa Vodacom Dietlof Mare,Mkurugenzi wa mahusiano Mwamvita Makamba,mwisho kulia Meya wa manispa ya ilala Jerry Silaa
Meya wa manispa ya ilala Jerry Silaa akijadiliana jambo na Mtendaji Mkuu wa masoko ya Afrika,na Afrika mashariki ya kati wa Vodafone group Foundation Nick Read mara baada ya kukabidhi mfano wa hundi yenye thamani ya shilingi Milioni 58 kwa Kaimu Mkuu wa mkoa wa Dares Salaam Said Meck Sadiq kwa niaba ya waathirika wa janga la mabomu ya Gongo la mboto.
Mkurugenzi wa mahusiano wa Vodacom Mwamvita Makamba akiambatana na Mkurugenzi Mtendaji wa Vodacom watatu toka mwanzo Dietlof Mare wakitembelea makazi ya wakazi wa Gongo la mboto walipoenda kukabidhi hundi yenye thamani ya shilingi Milioni 58 kwa Kaimu Mkuu wa mkoa wa Dares Salaam Said Meck Sadiq kwa niaba ya waathirika wa janga la mabomu ya Gongo la mboto.

Vodafone Group Foundation imekabidhi hundi yenye thamani ya sh. milioni 58 kwa ajili ya waathirika wa milipuko ya mabomu iliyotokea wiki iliyopita katika kambi ya Jeshi la Wananchi Tanzania (JWTZ) Gongo la Mboto, Dar es Salaam.

Fedha hizo zimetolewa na Kitengo cha Maafa kinachosaidiwa na kuendeshwa na Vodafone.

Mkuu wa kitengo hicho, Nick Red akizungumza na waliojeruhiwa na milipuko hiyo amesema tukio hilo ni baya kutokana na madhara yaliyotokea ikiwamo kupoteza maisha ya watu wengi.

"Inatia moyo kuona namna wafanyakazi wa Vodacom mlivyoitikia kuchangia wenzetu waliojeruhiwa katika tukio hili baya, tunaaini michango hii iliyotolewa na Vodafone Group pamoja na programu ya Red Alet misaada hii itaenda kusaidia kurejesha maisha ya wale waliojeruhiwa katika tukio hili," alisema.

Red alimkabidhi fedha hizo Kaimu Mkuu wa Mkoa wa Dar es Salaam, Said Sadiki jana.
Read ni Mkurugenzi Mkuu anayeshughulikia Masoko Afrika, Mashariki ya Kati na Asia Pacific.

Mkurugenzi Mkuu wa Vodacom Tanzania, Dietlof Mare alisema kampuni yake itaendelea kusaidia waathirika wa milipuko hiyo ya mabomu Gongo la Mboto.

"Tumekuwa tukitoa misaada katika majanga mbalimbali yanayotokea nchini kupitia kitengo cha misaada na tutaendelea kufanya hivyo, pia umma unaombwa kuwasilisha michango yao kupitia kitengo hiki," alisema Mare.

Alisema kwa mtu yeyote anayetaka kuchangia kupitia kitengo hicho anatakiwa kutuma ujumbe mfupi wa maneno wenye neno MAAFA na kutuma kwenda namba 15599.

Tukio la milipuko ya mabomu katika kambi ya JWTZ Gongo la Mboto, Dar es Salaam lilitokea usiku wa Jumatano ya Februari 16 mwaka huu na kusababisha vifo vya watu 25 na zaidi ya 400 kujeruhiwa.

  chanzo  toka blog ya mtaa kwa mtaa