SIREFA yamfagilia Mo Dewji

kupongezwa kwa tafrija fupi Regency hotel
Uongoazi wa Chama Cha Soka Mkoa wa Singida (SIREFA) umemmwagia sifa Mbunge wa Jimbo la Singida Mjini na Mjumbe wa NEC-CCM Mkoa, Mohammed Gulam Dewji kwa changamoto za kuinua soka mpaka timu hiyo kutwaa kombe la Taifa maarufu kama Kill Taifa Cup.
Akiongea na blog hii leo mchana kwa njia ya simu Katibu wa Chama cha Soka Mkoa huo, Hussein Mwamba alisema alishukuru uwongozi mzima wa mkoa huo kwa kuonyesha ushirikiano wa hali ya juu na wao kunyakuwa ubingwa huo.
Mwamba alisema kuwa wanakila sababu ya wao kumshukuru Mo Dewji kwa kutia amasa katika maswala ya michezo.
“Mo Dewji ameweza kuimalisha mambo mbalimbali ya kimichezo ndani ya mkoa wa Singida, hivyo tunakil sababu ya kujivunia kwa ubingwa huu ambao umechangiwa kwa amasa zake” alisema Mwamba.
Pia Mwamba alisema kombaini ya timu hiyo ya mkoa wa singida karibu nusu nzima wanashiriki kombe la Mbunge huyo maarufu kama ‘Mo Cup’ ambapo ushindaniwa kila mwaka jimboni humo.
“Tukiwa kama viongozi tunawapongeza wote waliofanikisha ushindi mpaka kutwa ubingwa huu ambao tunaahidi tutautetea kila mashindano haya” alisema.
Kwa upande wake, Mohammed Dewji ambaye pia ni Mkurugenzi iwa Makampuni ya Mohammed Enterprises Tanzania Limited (MeTL) ambaye yupo nje ya nchi, Ufaransa, akiongea kwa njia ya simu aliipongeza timu hiyo na kuwataka kuendeleza moyo huo huo.
“Nimefurahi sana kwa matokeo ya kunyakua ubingwa na kuiwakilisha vyema bendera ya MKOA WA Singida, hii iwe ni miaka yote na kuifanya Singida ionekanae inapaaa” alisema Mo Dweji.
Singida Yetu inapaa hivyo tunakila sababu ya kujjivunia uashindi huo wa mkoa mzima.
Mo Dewji aliahidi kutoa kiasi cha shilingi milioni tano kwa timu hiyo pindi itakapotwaa ubingwa, hivyoo kwa matokeo hayo timu hiyo imeweza kutimiza ahadi.
Kufuatia Mo Dewji kuwa nje ya nchi, fedha hizo zinatalajiwa kutolewa na Mwenyekiti wa kampuni hiyo ya MeTL kwa niaba ya Mo Dewji.
“Tunapanga alfa maalum kwa ajili ya kuwakabidhi fedha hizo ambapo watakabidhiwa na Mwenyekiti wa MeTL, Gulam Dewji, ambaye ni baba mzazi wa Mo, alisema Afisa uhusino na msaidi wa Mbunge huyo.
Timu ya Mkoa wa Sinngida ‘Kindai Shooting’ mwishoni mwa wiki ilifanikiwa kutwaa kombe hilo kwa mara ya kwanza kwa kuwafunga timu ya Lindi 3-0, mchezo uliochezwa kwenye uwanja wa Uhuru jijini Dar e Salaam.
Mbali na pongezi hizo, Mwamba aliwataka wanasingida kuendelwea kuusaidia mkoa huo ili uendelee kukuwa katika soka kama ilivyokuwa miaka ya nyuma. “Miaka mitano iliyopita tulikuwa na timu iliyoshiriki ligi kuu bara, hivyo matarajio yetu sasa ni kuona tunapata timu ya kuwakilisha ligi kuu” alisema.
Aidha, Mwamba alisema timu hiyo leo jioni watakuwa na tafrija fupi ya kupongezana huku viongozi wote wa mkoa wa Singida watajumuika pamoja.
“hee mpaka sasa bado ni furaha tu, leo kuanzia saa 2;00 usiku tutakuwa katika Hotel ya Regence Park Hotel kwa kupongezana na kisha tunatarajia kuondoka alfajiri ya Jumatano na kuendeleza shangwe huko Singida” alisema Mwamba